Вашингтон, 7 јуни (МИА) - Седум лица загинаа во торнадото, кое го погоди северозападниот дел на американската сојузна држава Охајо, изјави портпаролот на американската служба за итна помош, Тамара Мекбрајд.
Невремето урна покрив на киносала во Илиноис и предизвика штета на фасадата на зграда во нуклеарна централа во Мичиген, што доведе до нејзино затворање.
Најпогоден е 11 километарски пат југозападно од градот Толедо, кој сега е покриен со остатоци од автомобили, парчиња дрва и остатоци од покуќнина. Торнадото однесе и покрив на спортската сала на локалната гимназија, пред церемонијата на доделување дипломи на матурантите.
Најмалку 17 лица се хоспитализирани во околината на Толедо, а од нив четворица се во критична состојба.