Јоханесбург, 11 јуни 2010 (МИА) - Правнука на Нелсон Мендела загина вчера во сообраќајка по концертот во пресрет на Светското првенство во фудбал. Несреќата се случила Совето, предградие на Јоханесбург.
Фондацијата на поранешниот јужноафрикански претседател соопшти дека 13-годишната Зенани Мендела е единствената жртва во сообраќајката.
Зенани, која славела роденден на 9 јуни, беше една од деветте правнуци на Мендела.
Според полицијата, Зенани се враќала од концертот заедно со прабабата Вини Мадикизела-Мендела, поранешната прва дама на Република Јужна Африка.