Вашингтон, 24 јули 2010 (МИА) - Четврти силен земјотрес со интензитет од 6,5 степени според Рихтер ги потресе Филипините, соопшти американскиот Геофизички институт.
Епицентарот на потресот се наоѓал на 134 километри југозападно од Котабато, на јужниот филипински остров Минданао. Претходно на истиот остров беа почувствувани уште три земјотреси, од кои најсилниот беше со интензитет од 7,6 степени.
Засега нема податоци за евентуални жртви или причинета материјална штета, а нема ниту најави за опасност од појава на цунами.