Израел и палестинската власт ја позадравија поканата од посредниците за мир на Блискиот исток за обнова на директните мировни преговори на 2 септември во Вашингтон.
Во коминике од Кабинетот на израелскиот премиер напоменуваат дека Нетанјаху повикува за директни преговори од пред 18 месеци. Нетанјаху изразува задоволство од ставот на САД дека преговорите ќе се водат без претходни услови.
„Постигнувањето мировен договор е голем предизвик, но е можно“, се вели во коминикето.
Палестинскиот главен преговарач Саеб Ерекат исто така ја поздрави поканата за обновување на директните преговори и изрази увереност дека е можно тие да придонесат за склучување мировен договор за помалку од една година.
Ерекат ги повика посредниците (ОН, САД, ЕУ и Русија) да продолжат со притисок врз Израел да запре со градежните работи во еврејските населби на окупираниот Западен брег.
ЕУ ги повика денеска Израел и Палестинците да работат брзо за завршување на тие преговори за една година