Берлин, 10 септември 2010 (МИА) - Се уште е неизвесно дали американскиот евангелистички пастор Тери Џонс и неговата религиозна група ќе го спроведат контроверзното палење на коранот на 11 септември, јави Дојче Веле на македонски јазик.
Непосредно откако се откажа од својата намера, поради тоа што бил уверуван дека на Граунд зиро сепак нема да никне џамија, пасторот Џонс повторно се заканува со палење на муслиманската света книга, бидејќи иницијаторите на проектот го демантирале тоа.
Во меѓувреме авганистанскиот претседател Хамид Карзаи порача дека пасторот Џонс не смее „ниту да помисли“ да го запали Куранот, бидејќи тоа ќе биде навреда за голем број муслимански нации.