Пјонгјанг, 1 октомври 2010 (МИА) - Жителите на Северна Кореја со масовни митинзи го одбележаа реизборот на шефот на државата Ким Џонг-ил за генерален секретар на владејачката Корејска работничка партија (КРП).
Одлуката за реизбор беше донесена на националната партиска конференција и таа беше поздравена со митинг на кои учествуваат повеќе илјади лица вчера на плоштадот „Ким Ил-сунг“ во Пјонгјанг наречен по основачот на Северна Кореја. На манифестацијата присуствуваа претседателот на Постојаниот совет на Врховното народно собрание Ким Јон-нам, премиерот Ким Џонг-ил, други држави раководители, претставници на министерства и други институции.
- Реизборот на Ким Џонг-ил на високата партиска функција е израз на апсолутна поддршка и на целосната доверба од страна на армијата и народот на Северна Кореја, изјави пред присутните Мун Кен-док, прв секретар на Пјонгјанскиот градски комитет на КРП и кандидат за член на Политбирото на Централниот комитет на партијата.
Тој ги повика партиските членови, воените лица и народот со „својот живот да ја обезбедат заштитата на Ким Џонг-ил“ и да придонесат за уште потесно сплотување на партијата.
Ким-Џонг-ил беше резибран и за претседател на Централниот воен комитет на КТП, а за заменик претседател е избран неговиот најмал син Ким Џонг-ун, кој беше унапреден на функцијата генерал.