Сантијаго, 13 октомври 2010 (МИА) - По само два часа од почетокот на спасувачката операција во чилеанскиот рудник за злато и бакар Сан Хозе, каде повеќе од два месеца под земја се наоѓаат 33-ца рудари, на површината на земјата веќе се извадени тројца од затрупани рудари, пренесоа светските агенции.
Вадењето на третиот рудар, 52-годишниот Хуан Илјанес, траеше приближно 15 минути.
Вадењето на секој од нив одзема околу еден час, вклучувајќи го и времето, неопходно за подготовка и повторно спуштање на специјалната капсула на длабочина од 622 метри.
Тоа значи дека, доколку се запази досегашниот ритам на вадење, сите 33 рудари ќе може да се спасат во период од само 24 часа, посочуваат светските агенции.