Велингтон, 24 ноември 2010 (МИА) - Нова експлозија одекна во рудникот за јаглен во Нов Зеланд, а полицијата соопшти дека не постои начин на кој 29-те рудари кои беа затрупани под земја би преживеале.
По првата експлозија пред пет дена во рудникот се насобра метан, кој ги спречи спасувачките екипи да влезат во рудникот и да ги спасат рударите.
- Денеска имаше нова силна експлозија под земјата и судејќи според неа не е можно некој да преживеал, изјави полицаецот Гари Ноулс, кој раководи со спасувачката операција.