Пентагон соопшти дека кинеските критики на претстојните поморски вежби на САД и Јужна Кореја во Жолто море не се основани, истакнувајќи дека цел на маневрите е Пјонгјанг да се одврати од нови напади.
-За нас е значајно јавно да соопштиме дека оваа вежба, како и оние што го имавме во минатото, не се насочени против Кина, изјави портпаролот на Пентагон капетан Дерин Џејмс.
-Како и на претходните вежби, и оваа треба да ја засили нашата сила за одвраќање на Северна Кореја, рече Џејмс.
Севернокорејската артилерија во вторникот отвори оган врз островот Јеонпјеонг во Јужна Кореја, што е еден од најтешките инциденти од завршувањето на Корејската војна.
По инцидентот САД информираа дека во недела со јужнокорејската војска ќе почнат четиридневни заеднички поморски маневри во Жолто море, на околу 70 километри од островот Јеонпјеонг, и дека во нив ќе учествува и носачот на авиони „Џорџ Вашингтон“.