Каиро, 22 февруари 2011 (МИА) - Влијателниот исламски лидер Јусеф ал Кардауи упати повик до либиските војници да го убијат Моамер Гадафи откако либиските сили за безбедност убија стотици демонстранти.
- Давам фатва, Гадафи да биде убиен. Секој војник, секој човек кој може да го убие, треба тоа да го стори, за да се спаси Либија од злото, изјави тој за Ал Џазира. Ги повика и либиските пратеници да се откажат од режимот.
Тој е лидер на Светскиот сојуз на исламски научници и на Европскиот совет за фатва и истражување. Ал Кардауи (85) неодамна се врати во татковината (Египет) по долгогодишен егзил во Катар. На 29 јануари шеикот изјави дека кризата во Египет ќе се реши кога МУбарак ќе се повлече од власта. Потоа повика за продолжување на мирните протести во Египет.