Милано, 24 февруари 2011 (МИА) - За 42 години на власт либискиот лидер Моамер Гадафи заработил 32 милијарди долари, од кои поголемиот дел се во банките во САД, објави денеска италијанскиот весник „Кориера дела сера“.
Весникот се повикува на дипломатски таен допис испратен од американскиот амбасадор во Триполи на 28 јануари 2010 година, објавен на Викиликс.
Во дописот се наведува дека Гадафи имал бизнис и со американскиот финансиски измамник Бернард Мејдоф, кој е осуден на 150 години затвор поради финансиски злоупотреби во висина од 65 милијарди долари.
Во дописот се тврди дека Гадафи бил близок и со тексашкиот милијардер Алан Станфорд, кој исто така е во затвор поради измами.