Брисел, 28 февруари 2011 (МИА) - ЕУ наложи ембарго за оружје против Либија, замрзна сметки и наложи визна забрана за Моамер Гадафи и за 25 лица од неговото блиско опкружување. Таквиот опфат на санкциите на ЕУ ги надмина оние усвоени од Советот за безбедност на ОН.
- Забрани за патување, замрзнување на банкарски сметки, забрана за продажба на оружје и други стоки, кои може да се користат за репресивни мерки - тие санкции беа усвоени едногласно од постојаните претставници на 27-те земји од ЕУ на средба во Брисел, изјави европски дипломат.
Списокот на лицата, за кои важи замрзнувањето на сметките и забраните за патувања, е подолг од оној на ОН, додаде дипломатот.
Усвоените санкции од ЕУ ги засилуваат оние на ОН. Се очекува тие да бидат официјално утврдени подоцна денеска од Европскиот совет.