Триполи, 2 март 2011 (МИА) - Либискиот водач Моамер Гадафи денеска изјави оти не е претседател на државата и затоа не може да поднесе оставка од таа функција, додавајќи дека во земјата не постојат внатрешни проблеми.
- Моамер Гадафи не е претседател и затоа не може да поднесе оставка. Тој нема дури ниту парламент што може да го распушти. Тој нема функција од која може да се повлече, истакна Гадафи во говорот по повод 34-годишнината од прогласувањето на „народната влада“.
Тој наведе дека либискиот систем е народен и дека никој не може против власта на народот, кој се слободен да избере власт каква што сака.
Гадафи рече дека светот не го разбира либискиот систем, каде власта е во рацете на народот односно систем на „директна демократија“ за која пишувал во својот политички манифест „Зелена книга“.