Токио, 14 март 2011 (МИА) - Системот за ладење на вториот реактор на нуклеарната централа „Фукушима 1“ е оштетен, соопшти операторот на централата.
Првиот и третиот реактор на истата нуклеарна централа веќе претрпеа слична грешка, која предизвика експлозија во бетонската заштита на секој од нив.
- Во вториот реактор целосно престана со работа системот за ладење, потврди претставникот на Агенцијата за нуклеарна безбедност за националната телевизија Ен Ејч Кеј.
„Фукушима 1“ која беше силно погодена од земјотресот и цунамито што се случија во петокот, има вкупно пет реактори. Нуклеарната централа се наоѓа на 250 километри северно од Токио каде живеат околу 35 милиони луѓе.