Париз, 15 март 2011 (МИА) - Француските експерти за нуклеарна сигурност проценуваат дека нуклеарниот инцидент во Јапонија е од шесто ниво, јави дописникот на МИА од Париз.
Според претседателот на француската Агенција за нуклеарна безбедност, инцидентот во нуклеарната централа „Фукишима“ го достигна нивото 6 на меѓународната скала според која се мерат нуклеарните инциденти.
Оваа скала е со седум нивоа и нивото 7 беше достигнато само еднаш, при нуклеарната катастрофа во Чернобил во 1986 година.