Француските борбени авиони ја извршија првата воена задача во Либија.
-Првата цел беше погодена и уништена во 17 часот и 45 минути“, соопшти портпаролот на француското Министерство за одбрана Лоран Теисери. Според информациите на француското Министерство за одбрана целта на првото бомбардирање бил едно оклопно возило, јави дописникот на МИА од Париз.
Француските боребени авиони при подготовките на воената акција против режимот на Гадафи се прераспоредија на францускиот остров Корзика, а утре треба да исплови и францускио носач на авиони Шарл де Гол.
Како што јавија француските медиуми, од Велика Британија полетале повеќе борбени авиони без да се назначи која е нивната цел, а во спроведувањето на резолуцијата на ООН се очекува да бидат вклучени и италијански авиони.