Триполи, 23 март 2011 (МИА) - Бунтовничкиот Либиски национален совет денеска го именува Махмуд Џибрил за шеф на „привремената Влада на Либија“, објави телевизијата Ал Џазира.
Реформаторот Џибрил учествувал во проектот за воведување демократска држава во Либија. Моментално тој го предводи кризниот комитет на бунтовниците за воени и надворешно политички прашања.
Според телевизиите „Ал Џазира“ и „Ал Арабија“ силите на Моамер Гадафи денеска по жестоките борби го заземале центарот на градот Мисрата, кој се наоѓа на 200 километри источно од Триполи. Меѓународните коалициски сили извршија најмалку два воздушни удари врз војската на Гадафи во Мисрата, по што тие го прекинале нападот.
Во градот Аџдабија продолжуваат судирите меѓу бунтовниците и силите на либискиот режим.