Јангон, 25 март 2011 (МИА) - Земјотрес со интензитет од 6,8 степени по Рихтер го погоди источниот дел од Мијанмар, при што загинаа најмалку 50 луѓе. Во земјотресот се повредени најмалку 40 луѓе, соопштија властите.
Патиштата се блокирани и над 130 објекти се урнати, јавуваат западни медиуми повикувајќи се на официјален владин извор.
Еден човек загинал и на Тајланд каде бил исто така регистриран земјотресот. Епицентарот бил во близина на границата меѓу Лаос и Тајланд на десетина километри длабочина.