Токио, 28 март 2011 (МИА) - Горивото во вториот реактор на нуклеарната централа Фукушима 1 најверојатно делумно се растопило, изјави на денешната прес-конференција главниот секретар на јапонската Влада, Јукио Едано.
Тој истакна дека растопеното гориво дошло во контакт со вода и потоа се слеало во турбината на Вториот енергетски блок, со што стана извор на многу висока радијација.
- Во нуклеарната централа Фукушима 1 најверојатно била исфрлена радиоактивна вода под надворешниот корпус на Вториот реактор, што во моментот е најсериозен проблем, се наведува во денеска доставениот документ до јапонскиот премиер Наото Кано од Комисијата за нуклеарна безбедност.