Токио, 30 март 2011 (МИА) - Морската вода крај Првиот реактор на АЕЦ "Фукушима-1" содржи радиоактивен јод во концентрација што 3.355 пати ја надминува дозволената вредност, соопшти јапонската агенција за нуклеарна и индустриска безбедност.
Заменик генералниот директор на агенцијата Хидехико Нишијама се обидува да ја смири јавноста со аргументите дека луѓето, кои живеат во регионот околу електроцентралата, веќе се евакуирани, а во околината не се лови риба.
-Јодот 131 има период на полураспаѓање од осум дена и дури и ако ја земеме предвид неговата концентрација во морскиот екосистем, таа ќе ослабне значително додека стигне до луѓето, изјави Нишијама на прес конференција во Токио.