Кампала, 30 март 2011 (МИА) - Уганда е подготвена да му даде политички азил на либискиот лидер Моамер Гадафи, доколку тој тоа го побара од властите во Кампала, изјави портпаролот на угандскиот претседател Јовери Мусевени, Тамале Мирунди.
- Гадафи е добредојден во Уганда, изјави Мирунди, додавајќи дека Кампала се придржува до политиката да му даде азил на секого што тоа ќе го побара од неа.
Најавата од Кампала доаѓа по вчерашните изјави на претставници на САД, Велика Британија и Катар дека е можно меѓународната заедница да му дозволи на Гадафи и на членовите на неговото семејство да заминат во егзил, доколку на тој начин да се стави крај на насилството во Либија.