Токио, 1 април 2011 (МИА) - Јапонскиот премиер Наото Кан изјави дека е подготвен да ја продолжи битката со хаварисаната нуклеарна централа Фукушима 1, додавајќи оти за сега не може да каже дека ситуацијата во централата е доволно стабилизирана.
- Но, ние сме подготвени за секаков вид ситуации и јас сум убеден дека централата ќе биде стабилизирана. Но, во оваа етапа не можам да кажам кога ќе се случи тоа. Се обидуваме да го направиме најдоброто, истакна Кан.
Тој наведе дека од буџетот ќе се издвојат средства за последиците од земјотресот и цунамите што ја погоди Јапонија на 11 март. Средствата ќе бидат наменети за расчистување на настраданите реони, за изградба на привремени живеалишта и за обновување на индустријата, за земјоделството и за риболовот во североисточниот дел на осторовот Хоншу.
- Јапонците нема да бидат изложени на опасноста од радијација ако се придржуваат на препораките на власта, истакна Кан.