Вашингтон, 7 април 2011 (МИА) - Американскиот државен секретар Хилари Клинтон изјави денеска дека либискиот лидер Моамер Гадафи мора да нареди прекин на огнот, да ги повлече силите од градовите, да ја предаде власта и да ја напушти државата.
На прашање за писмото што Гадафи му го упатил на американскиот претседател Барак Обама, Клинтон изјави дека Гадафи знае што треба да направи.
- Мора да има прекин на огнот, неговите сили да се повлечат од градовите кои со сила се освоени, да се донесе одлука за негово заминување до власта и за напуштање на Либија, изјави таа.