Вашингтон, 7 април 2011 (МИА) - Командантот на американските војски во Африка, генерал Картер Хам е песимист за успехот на бунтовниците во Либија.
Тој одговарајќи пред американскиот Сенат наведе дека малку веројатно е либиските бунтовници да успеат да го нападнат Триполи.
- Според мене мали се шансите бунтовниците да стигнат до Триполи и да го соборат од власт Гадафи, истакна Хам.
Тој наведе оти најверојатно во Либија се создава пат ситуација меѓу владините сили и бунтовниците.
- Пат ситуацијата сега е поверојатна отколку кога со операциите во Либија командата ја имаа САД, наведе Хам.
Американскиот генерал потенцира оти Вашингтон не треба да им доставува оружје на бунтовниците се додека не стекне појасна слика во чии раце завршува оружјето.