Братислава, 19 мај 2011 (МИА) - Нападите на силите на НАТО сериозно ја намалија воената моќ на либискиот водач Моамер Гадафи и тој е се повеќе изолиран, изјави денеска во Братислава генералниот секретар на Алијансата, Андрес Фог Расмусен.
Расмусен истакна дека комбинацијата од силен воен и политички притисок со поддршка на опозицијата, може да доведе до колапс на режимот на Гадафи.
- Значително ја намаливме воената машинерија на Гадафи и сега ги гледаме резултатите од тоа, нагласи Расумсен.
Операцијата на коалициските сили во Либија започна на 19 март, а раководството со операцијата на 31 март премина под команда на НАТО.