Рабат, 7 јуни 2011 (МИА) - Либискиот лидер Моамер Гадафи се заколна денеска дека ќе се бори до крај.
Тој тоа го изјави во аудио снимка, објавена во живо на либиската телевизија, откако НАТО ги зајакна денеска воздушните напади врз Триполи.
- Немаме друг избор. Ние ќе останеме во земјата живи или мртви, истакна Гадафи, повикувајќи ги своите поддржувачи да се соберат пред претседателската резиденција Баб ал Азизија, која денеска беше неколку пати нападната од Алијансата.