Вашингтон, 11 јуни 2011 (МИА) - Американската армија ќе испрати во Авганистан 80 агенти на службите за контрашпионажа, кои ќе помагаат во борбата против инфилтрирањето на талибанците во авганистанските сили за безбедност, пишува денеска весникот „Њујорк тајмс“.
Весникот цитира воени извори, според кои тие експерти ќе ги зајакнат личните проверки на новодојдените, одново ќе ги проверуваат профилите на војниците кои ја поминале обуката, и ќе ги затегнат процедурите за идентификување на лицата кои се подложни на врбување од талибанците и од нивните приврзаници.
Некои агенти веќе пристигнале на местото, а други се очекуваат во најскоро време, изјави портпаролот на НАТО во Авганистан потполковникот Дејвид Симонс.
Судирите меѓу талибанците и силите на НАТО се се пожестоки во секоја наредна година од почетокот на воената операција во 2001 година.
Минатата година САД испратија дополнителни 30.000 војници за постигнување конечна победа.