Триполи, 5 ули 2011 (МИА) - Либиските власти и бунтовниците постигнаа одреден напредок во преговорите за прекин на конфликтот, кој трае повеќе од четири месеци, изјави вчера во Триполи либискиот заменик-министер за надворешни работи, Халед Каим.
Тој нагласи дека преговорите се водат околу два месеци надвор од Либија и преку телефон. Нивната цел, додаде Каим, е да се спречат воените дејствија и да се создаде рамка за идниот дијалог.
На прашањето дали има напредок тој одговори дека има во одредени области.
Каим тврди дека некои земји-членки на НАТО ги искомплицирале напорите кои се вложуваат во преговорите, бидејќи не ги поддржуваат.
Тој додаде дека преговарачкиот процес е усложнет и поради тоа што бунтовниците немаат единствена позиција.