Најмалку осум лица се повредени, меѓу кои и тригодишно дете, при ноќната руска воздушна офанзива врз Киев, јавија украинските власти.
Раководителот на киевската воена администрација, Тимур Ткаченко, изјави дека четворица од повредените се хоспитализирани, од кои еден е во критична состојба.
Во украинската престолнина експлозии почнале да се слушаат доцна синоќа, по што рано утринава следела нова серија напади. Градоначалникот Виталиј Кличко соопшти дека биле активирани системите за противвоздушна одбрана.
Напади со дронови и експлозии се регистрирани и во централниот град Кропивницки.
Русија последните неколку недели го интензивираше користењето на борбени дронови во обид да ја ослабне украинската ПВО-одбрана.