Лондон, 18 јули 2011 (МИА) - Поранешниот репортер на „Њуз оф д ворлд“ Шон Хор, кој прв проговори за широко распространетата пракса на новинари од таблоидот дека се занимаваат со прислушување на телефони, е пронајден мртов, соопшти полицијата.
Безживотното тело на Хор е пронајдено во неговиот дом во Англија, но првичниот увид не покажува постоење на знаци за убиство или самоубиство.
Поранешниот новинар за „Њујорк тајмс“ признал дека прислушувањето на телефони во „Њуз оф д ворлд“ премногу се применува, па дури било и поттикнувано додека главен уредник на таблоидот бил Енди Коулосн.
Коулсон, кој до неодамна беше шеф на одделот за врски со јавноста во кабинетот на премиерот Дејвид Камерон, е уапсен во рамки на истрагата за прислушување на телефони и полициска корупција.