Триполи, 24 август 2011 (МИА) - Околу 400 луѓе загинаа, а 2.000 се повредени во изминатите три дена во борбите меѓу војниците лојални на Моамер Гадафи и бунтовниците во Триполи, изјави синоќа претседателот на Преодниот национален совет Мустафа Абдел Џалили.
Тој истакна дека околу 600 војници се заробени, но оти борбите нема да престанат се додека Гадафи не биде во затвор.
- Според наши информации, бројот на загинатите за тридневните операции изнесува најмалку 400 луѓе, додека 2.000 се повредени. Заробивме околу 600 војници на Гадафи, истакна Џалил.
Тој наведе дека Гадафи најверојатно побегнал од Триполи бидејќи „не е доволно храбар да остане и да се бори“.
- Се надевам дека жив ќе биде фатен, за светот да дознае за неговите злосторства, посочи Џалил.