Дубаи, 25 август 2011 (МИА) - Можно е најстариот син на Моамер Гадафи, Мохамед да е убиен, објави телевизијата Ал Арабија.
Телевизијата чие седиште е во Дубаи, наведе дека информацијата за смртта на Мохамед Гадафи се уште не е потврдена.
Мохамед Гадафи е син од првиот брак на полковникот. Тој беше на чело на Националниот олимписки комитет и беше одговорен за телекомуникацискиот сектор, односно негова заслуга е изградбата на мрежа за мобилни комуникациии во Либија.
Откако во саботата почна битката за Триполи се појави информација дека Мохамед гадафи е уапсен, а бунтовниците го ограбиле неговиот дом, но оти ја гарантираат неговата безбедност. Во понеделникот Мохамед беше ослободен од војската на Гадафи и оттогаш не е познато каде се наоѓа.