Триполи, 26 август 2011 (МИА) - Либиските бунтовници упаднаа вчера во населбата Абу салим на југ во Триполи едно од најсилните упоришта на силите лојални на Моамер Гадафи во главниот град.
Бунтовниците влегуваа во куќи од каде се појавуваа со десетина заробени. Силите на Гадафи имале само снајпери, но не и тешко оружје, јавија западни медиуми.
Пред упадот сили на НАТО извршија два напада во тој реон.
Американскиот Стејт департмент синоќа соопшти дека не очекува либискиот Преоден совет да побара испраќање меѓународни мировни сили за стабилизирање на ситуацијата во државата, но може да побара помош за екипирање полициски патроли.