Триполи, 2 септември 2011 (МИА) - Во нова аудио порака, емитувана преку сириската телевизија „Ар Раи“, Моамер Гадафи го обвини НАТО дека се обидува да ја окупира земјата и да ја украде либиската нафта.
Тој ги повика своите приврзаници на партизанска војна против бунтовниците и вети прогонување на колонизаторите.
- Ќе се бориме со нив насекаде, Ќе ја запалиме земјата под нивните нозе, рече Гадафи на адреса на бунтовниците и на оние кои ги смета за колонизатори на Либија.
- Подгответе се за партизанска војна, за војна на бандите, за граѓанска војна, за народен отпор во секој либиски град, додаде Гадафи со смирен гласа, за разлика од тонот од неговите претходни изјави.
Местоположбата на Гадафи останува непозната.