Триполи, 13 септември 2011 (МИА) - Исламот ќе биде основа за изработка на законите во Либија по соборувањето на Моамер Гадафи, изјави синоќа лидерот на Преодниот национален совет Мустафа Абдел Џалил во своето прво јавно обраќање во Триполи.
- Нема да прифатиме никаква екстремистичка идеологија, ниту на десната ниту на левата струја. Ние сме муслимани, исповедуваме умерен ислам и ќе останеме на тој пат, истакна Џалил на Плоштадот на мачениците во Триполи.
Тој наведе дека ослободувањето на Либија е чудо што се случило со минимални загуби.
И Гадафи држеше говори на тоа место што тогаш се викаше Зелен плоштад.