Тунис, 14 септември 2011 (МИА) - Моамер Гадафи и натаму е во Либија, во добро расположение и со моќна армија зад себе, изјави денеска портпаролот на соборениот либиски лидер Муса Ибрахим.
-Лидерот е во добро здравје, со висок дух. Се разбира, тој е во Либија, изјави Муса во интервју за британските медиуми направено преку сателитски телефон.
-Битката ни од далеку не е завршена. Ние сме се уште многу моќни, нашата армија се уште е моќна, а огромни реони на Либија се под наша контрола, увери портпаролот.
-Ние ги собираме нашите сили, додаде Муса Ибрахим, кој не сакал да го каже местото на својот престој.