Лондон, 19 септември 2011 (МИА) - Приврзаниците за прием на палестинската држава за полноправен член во Обединетите нации се повеќе од противниците - 49 наспроти 21 процент, но приближно една третина (30 отсто) не можат да дадат конечен одговор, покажуваат резултатите на анкетата.
Земјите со најсилна поддршка за признавање на палестинската држава се Египет (90 отсто „за“, а девет „против“) и Кина (56 „за“ наспроти девет проценти „против“).
Најголем број на негативни одговори се забележани меѓу анкетираните во САД (45 отсто „за“ и 36 „против“), во Бразил („за“ 41 процент и 26 „против“) и Индија (32 „за“ и 25 „против“).
Анкетата била спроведена и во трите земји-членки на Европската унија - Франција, Германија и Велика Британија, чии жители дале речиси идентични одговори 54, 53 и 53 отсто од испитаниците се изјасниле „за“ полноправно членство на палестинската држава во ОН наспроти 20, 28 и 26 проценти „против“.
Во Русија 37 отсто од испитаниците истакнале дека го поддржуваат признавање, а 13 дека се „против“.
Но, секој втор испитаник не дал конечен одговор или оценил дека неговата земја треба да биде „воздржана“ за тоа прашање.