Багдад, 7 октомври 2011 (МИА) - Лидерот на Националниот преоден совет Мустафа Абдул Џибрил изјави дека поранешниот либиски лидер Моамер Гадафи се крие на југ во Либија под заштита на племиња, и изрази уверување дека наскоро ќе биде лоциран.
- Најновите информации укажуваат дека Гадафи е на југ во Либија под заштита на племињата Туарег и дека од време на време, преминува во Нигер, изјави Џибрил за време на посетата на Багдад.
Тој изрази надеж дека во следните неколку дена ќе може да потврди каде точно се наоѓа Гадафи кој е во бегство откако силите на Националниот преоден совет го освоија Триполи во август. Џибрил додаде дека допатувал во Ирак за да разговара за повторно воспоставување дипломатски односи меѓу Триполи и Багдад.