Американската полиција во текот на минатата ноќ уапси десетици активисти на движењето „Окупиратјте го Вол Стрит“ кои одржаа портести во повеќе градови во САД.
Најголемиот број апсења се спроведени во западните делови на САД, каде протестите постепено се проширија од Њујорк.
Само во Денвер се уапсени 23 лица, откако полицијата ги растера демонстрантите собрани пред зградата на Градската управа. Медиумите јавија и дека дошло до судири меѓу демонстрантите и полицијта, но дека при тоа никој не е повреден.
Во Сиетл се уапсени десет лица, а во Сан Диего еден.
Властите на Њујорк вчера решија да се откажат од намерата за отсранување на кампот на демонстрантите на Вол Стрит, поради стравување дека тоа може да довиде до судири.
За денеска се најавени протести против „алчноста на банките“ во 71 земја ширум целиот свет, поттикнати од глобалното движење на „револтираните“.