Мисрата, 25 октомври 2011 (МИА) - Телото на Моамер Гадафи денеска ќе биде погребано со скромна церемонија на тајно место во либиската пустиня, соопшти синоќа претставник на Преодниот национален совет, цитиран од агенциите.
-Тој ќе биде погребан утре (вторник) со скромна церемонија, во присуство на исламски духовници. Тоа ќе се случи на тајна локација во пустината, рече претставникот на ПНС.
Тој додаде дека погребот ќе биде извршен, бидејќи телото веќе се распаѓа.
-Не е постигнат договор неговото племе да ги земе посмртните останки, додаде претставникот на ПНС.
На прашањето дали синот на Гадафи, Мутасим, ќе биде погребан на истата церемонија, тој потврдно одговори.
Синоќа телата на Моамер Гадафи, на неговиот син Мутасим и на поранешниот командант на вооружените сили, биле изнесени од ладилникот во Мисрата и пренесени на непознатото место, соопштија британските медиуми.
Либиски извор во Мисрата потврди дека телата се изнесени, но одби да открие какви и да било детали за тоа.