Њујорк, 3 декември 2011 (МИА) - Русија смета дека повеќе не е возможно ОН да усвојува нови санкции против Иран и оти проблемот со спорната нуклеарна програма на Техеран може да се реши по пат на преговори, изјави постојаниот претставник на Русија во ОН Виталиј Чуркин.
Русија е ротациски претседател на Советот за безбедност на ОН за овој месец.
Чуркин исто така ги осуди заканите, кои според него биле упатени од западни сили за воена интервенција врз Иран и Сирија. Тој смета дека тие со ништо не помагаат и ја повика меѓународната заедница да го поттикне дијалогот.