Техеран, 9 јануари 2012 (МИА) - Иранскиот суд осуди на смрт еден американски маринец, кој има иранско државјанство поради шпионажа во корист на американската Централна разузнавачка агенција (ЦИА).
Амир Мирзаи Хекмети (28) е „осуден на смрт поради соработка со непријателска земја, поради членство во ЦИА и обид да го вмеша Иран во тероризам“ се наведува во пресудата.
Директорот на иранската разузнавачка служба Хеидар Мослехи вчера изјави дека се уапсени неколку луѓе за кои има сомневање дека шпионирале за САД и планирале да ги загрозат парламентарните избори што се закажани на 2 март.
Мослехи наведе дека осомничените преку интернет одржувале контакти со странство.