Венецуелскиот претседател Уго Чавес ја обвини владата на САД и нејзините сојузници дека го провоцираат насилството во Сирија, обидувајќи се да го соборат од власта сирискиот претседател, пренесоа светските агенции.
Чавес соопшти дека вчера телефонски разговарал со својот сојузник, претседателот на Сирија Башар ал Асад, кој го информирал дека повеќе од 2.000 сириски војници се убиени заедно со поголем број цивили при спроведувањето на, според него, „терористичкиот заговор“ за отстранувањето на Асад од власта.
Сирискиот претседател го уверил Чавес дека безбедноста во Сирија се подобрува и дека наскоро ситуацијата ќе се нормализира.
Чавес од палатата Мирафлорес за венецуелската државна телевизија „Венесолана де телевисион“ телефонски соопшти дека денеска заминува за Хавана на нова серија хемотерапија, пренесоа агенциите.
Венецуелскиот претседател се лекува од рак.