Специјалниот претставник на ОН и Арапската лига за Сирија, Кофи Анан ја оцени како неприфатлива ескалацијата на насилството во Сирија.
Тој ја повика владата во Дамаск да ги прекине вооружените активности на 10 април, како што ветила.
- Шокиран сум од последните пораки за насилство и злосторствата во голем број градови и населени места во Сирија, кои доведоа до вознемирувачко зголемување на бројот на жртвите и бегалците. Тоа е спротивно на уверувањата кои ми беа дадени, се вели во соопштението на Кофи Анан.
Според Анан со приближувањето на крајниот рок - 10 април мора да биде уште едно потсетување за сириската влада дека треба целосно да ги исполни своите обврски.
- Нагласувам дека сегашната ескалација на насилствата е неприфатлива, наведува Анан.