Пекинг, 25 мај 2012 (МИА) - Кина отфрли денеска критики од Стејт департментот за состојбата со човековите права во таа држава оквалификувајќи ги како „неточни и неодговорни“. Возвратија со објавување сопствен извештај за состојбата со човековите права во САД каде се укажува на полициска бруталност, дискриминација и задушување на движењето Да го окупираме Волстрит.
Портпарол на МНР на Кина, Хонг Леи изјави дека наводите за Кина во годишниот извештај на Стејт департментот се „неосновани, пристрасни и целосно неточни“. Хонг додаде дека Кина направи светски признати чекори за подобрување на почитувањето на човековите права откако пред 30 години се покренати рефроми.
Според него, со растот на кинеската економија значително е намалена сиромаштијата, што е едно од најголемите достигнувања на Владата на планот на човековите права.
Во кинескиот извештај, за САД етничките малцинства и нехристијаните се дисктиминирани во полиција и судството.
- Се надеваме дека САД добро ќе ја согледаат својата ситуација, ќе ги прекинат злоупотребите и ќе престанат со погрешни чекори и погрешно размислување за човековите права, изјави Хонг.