Ријад, 29 мај 2012 (МИА) - Саудискиот имам Али ар Рабиеи понуди награда од 450.000 долари за убиство на сирискиот претседател Башар ал Асад.
Рабиеи истакна дека наградата ја понудил откако слушнал за масакрот во Хула, каде загинаа над 100 луѓе, од кои поголемиот број деца.
- Тоа злосторство против децата и жените го потресе целиот свет. Даваме награда од 450.000 долари на оној кој ќе го ликвидира Башар ал Асад, истакна саудискиот имам.
Се уште нема реакција од страна на саудискиот кралски двор, како и од сириските власти.