Бројот на жртвите кои ги зема ураганот Сенди се искачи на 98, вклучувајќи и две момчиња.
Гленда Мур и нејзиниот сопруг, Дамјан Мур, во близина на местото каде што беа пронајдени телата на нивните деца
Медиумите јавуваат дека во Во Њујорк пронајдени се 40 жртви, од кои половината жители на Стејтен Ајлен, квартот кој се наоѓа во ниската зона наспроти њујоршкото пристаниште кое беше прегазено од водениот бран во понеделникот.
Меѓу загинатите се и двајца браќа, на возраст од две и четири години, кои буквално беа однесени од рацете на својата мајка откако автомобилот во кој се возеле заглавил во водена препрека. Нивните тела пронајдени се вчера едно покрај друго.
- Се обидувала да стигне до куќата на својте родители во Бруклин, откако снемало струја по налетот на надојдената вода.
Заедно со децата заминала со автомобилот, но по патот ги пресретнал воден бран кој веднаш го преплавил возилото. Се обидувала да ги спаси децата, но залудно. Барала помош. Автомобилот бил три метра под вода, кога дошле спасувачите, Сенди како да и ги зема децата од прегратката, вели преставник на власта.
Од њујоршкиот Стејтен Ајленд до популарните плажи во Њу Џерси, спасувачките служби секој ден се соочуваат со сé повеќе докази за обемот и разорната моќ на Сенди, земајќи ги во предвид сé поголемиот број жртви и порастот на проценетите штети.