Полицијата од Преторија пронашла кутии со стероиди, тестостерон и стотици шприцови во домот на пара-олимпискиот шампион Оскар Писториус.
Тоа беа доказите кои денес беа обелоденети на третиот ден од судењето. Покрај затворската казна која му се заканува на параолимпиецот , ако биде прогласен за виновен за убиството врз девојката Рева Стенкамп, може да остане и без златните медали од Олимписките игри.
Покрај стероидите во неговата куќа била пронајдена и 38 милиметарска пушка за кој немал дозвола.
На вториот ден на судењето свој исказ даде и Хилтон Бота, полицаецот кој прв пристигнал на местото на злосторството и ги испрашувал соседите на Писториус. Според изјавите кои ги дал за судот, соседите слушнале кавга во куќата на Писториус од 2 до 3 часот наутро, точно пред самото убиство.
Оскар Писториус ја застрела својата девојка Рева Стенкамп на Свети Валентајн, а првичната верзија за мотивот за убиството беше несреќен случај. Сега убиството на Стенкамп се третира како убиство со предумисла од страна на обвинителството.