Пјонгјанг, 21 февруари 2013 (МИА) - Официјалната интернет страница на Северна Кореја, Урминзоккири, објави на Јутјуб снимка, на која се прикажани американски војници и претседателот на САД Барак Обама во пламен, објави вчера „Џапан дејли прес“.
Претходната видео-снимка, која е објавена пред две недели го прикажува нуклеарниот напад врз Њујорк.
На снимката, на која е прикажано како горат Обама и американските војни се наведува дека последната нуклеарна проба е спроведена поради непријателскиот став на САД. Снимката завршува со подземна нуклеарна експлозија.
Северна Кореја спроведе на 12 февруари нуклеарна проба, која меѓународната заедница остро ја осуди.