Хуго Чавез, веќе починатиот лидер на Венецуела, предизвикувал многу контраверзии во текот на неговото 14-годишно владеење. Познато е дека немаше “влакна на јазикот“ и дека никогаш не се воздржувал од правото да го каже јавно своето мислење.
Им се потсмеваше дури и на највлијателните лидери, бранејќи ги најчеесто претседателите и лидерите кои другите ги осудуваа.
За полковникот Моамер Гадафи, водачот на Либија:
“Ќе го паметиме Гадафи цел живот како голем борец, револуционер и маченик“. (2011)
За Башар ал Асад, претседателот на Сирија:
“Како можам да не го подржувам Асад? Тој е легитимен лидер на Сирија“. (2012)
За Роберт Мугабе, претседател на Зимбабве:
“Ти си како Боливар, се дигна на оружје за да го ослободиш својот народ. Ти си и ќе бидеш како Боливар, вистински борец за слобода“. (2004)
За Иди Амин, починат претседател на Уганда:
“Голем националист и патриот“. (2009)
За Џорџ Буш, поранешен претседател на САД:
“Кукавица, убиец, сторител на геноцид, алкохоличар, пијаница, лажго, неморална личност, господин Опасност. Најлош помеѓу најлошите на оваа планета“. (2006)
“Ѓавол, олицетворение на ѓаволот. Вчера овде беше ѓаволот. Баш тука. Дури и денеска се’ уште мириса на сулфур“. (2006)
За Кондолиза Рајс, поранешна секретарка на САД:
“Таа е сексуално фрустрирана. Би можел да ја повикам да излеземе на состанок, да видам што би се случило помеѓу нас“. (2005)
За Барак Обама, претседател на САД:
“Ти си измамник Обама. Оди и прашај ги луѓето во Африка кои можеби ти верувале поради твојата боја на кожа, поради тоа што татко ти е од Африка. Ти си потомок на Африканец, но си срам за сите тие луѓе“. (2011)
За Иран:
“Ќе бидеме со Иран во секое време, под било какви услови. Ќе бидеме со Иран засекогаш“. (2006)
За вистинскиот домородски народ:
“Кристофер Колумбо беше закана за најголемата инвазија и геноцид што некогаш е направен во историјата на човештвото“. (2003)
За богатството:
“Да се биде богат е лошо, тоа е нехумано“. (2005)
За Израел:
“Израелците многу го критикуваат Хитлер, исто како и ние, но тие направија нешто многу слично, уште полошо од тоа што го направија нацистите“.
За листовите од кока:
“Џвакам листови кока секое утро и што ми недостасува?“ (2008)